O pasado 16 de decembro tivo lugar a cerimonia de posta da primeira pedra para a construción dun centro de transformación de cereais froitas e verduras en Bambilor.
Este acontecemento, ademais de representar un paso adiante no desenvolvemento e o fortalecemento das mulleres da comunidade, ten un significado realmente especial, que pon de relevo o empeño co que o equipo da ONG ENDA, traballa para implementar o proxecto "Descentralización, xénero e desenvolvemento local: apoio á promoción do empoderamiento económico e político das mulleres das comunidades rurais de Yenne e Sangalkam » que executa xunto a MUSOL nestas dúas comunidades. Este proxecto foi financiado pola Generalitat valenciana.
En efecto, o 6 de marzo de 2011 tivo lugar, baixo circunstancias non do todo claras, unha redefinición administrativa que provocou a substitución do equipo de goberno democraticamente elixido por unha Comisión Especial unidireccionalmente escollida polo Goberno, o que desencadeou violentas revoltas por parte dos habitantes de Sangalkam. Esta situación excepcional, tivo como consecuencia unha paralización na cesión de terras que esta comunidade acordara co equipo para a construción do centro de transformación.
Grazas á mediación do equipo de Enda e ao apoio incondicional da sociedade civil, dos representantes do goberno central e da Comisión Especial ao proxecto, conseguiuse salvar este obstáculo, coa cesión dun terreo na comunidade de Bambilor. Esta cerimonia representa, ademais da cesión de terras, un novo achegamento dos actores locais logo dos incidentes acaecidos en Sangalkam.
| < Anterior | Seguinte > |
|---|
